Category: English

ਕਿਸਾਨ ਅੰਦੋਲਨ ਨੇ, ਆਪਣੀ ਯੋਜਨਾ ਦੇ ਮੁਤਾਬਿਕ 18 ਫਰਵਰੀ ਨੂੰ ਦੇਸ਼ ਭਰ ਵਿਚ ਕਈਆਂ ਰਾਜਾਂ ਵਿਚ ਸਟੇਸ਼ਨਾਂ ਉਤੇ ਰੇਲ-ਗੱਡੀਆਂ ਰੋਕੀਆਂ। ਉੱਤਰ ਰੇਲਵੇ ਖੇਤਰ ਗੱਡੀਆਂ ਅਤੇ ਬਿਹਾਰ, ਬੰਗਾਲ ਅਤੇ ਪੂਰਬੀ ਤੱਟ ਅਤੇ ਪੂਰਬੀ ਕੇਂਦਰੀ ਰੇਲਵੇ ਖੇਤਰਾਂ ਵਿੱਚ ਚੱਲਣ ਵਾਲੀਆਂ ਗੱਡੀਆਂ ਨੂੰ ਸਟੇਸ਼ਨਾਂ ਉਤੇ ਰੋਕਿਆ ਗਿਆ। ਪੰਜਾਬ ਵਿੱਚ ਫਿਰੋਜ਼ਪੁਰ ਅਤੇ ਅੰਬਾਲਾ ਡਿਵੀਜਨਾਂ ਵਿੱਚ ਸਭ ਤੋਂ ਵੱਧ ਵਿਘਨ ਪਿਆ। ਰੇਲ ਰੋਕੋ ਤਕਰੀਬਨ 4 ਘੰਟਿਆਂ ਤਕ ਚੱਲਿਆ।

ਹਾਕਮ ਜਮਾਤ ਬਾਰ ਬਾਰ ਇਸ ਝੂਠ ਨੂੰ ਦੁਹਰਾ ਰਹੀ ਹੈ ਕਿ ਇਹ ਪੰਜਾਬ, ਹਰਿਆਣਾ ਅਤੇ ਪੱਛਮੀ ਯੂ.ਪੀ. ਦੇ ਕਿਸਾਨ ਹੀ ਹਨ, ਜਿਹੜੇ ਆਪਣੇ ਅਮੀਰਾਨਾ ਰਹਿਣ-ਸਹਿਣ ਨੂੰ ਬਚਾਉਣ ਲਈ ਦਿੱਲੀ ਦੇ ਬਾਰਡਰਾਂ ਉਤੇ ਧਰਨੇ ਉਤੇ ਹਨ। ਪਰ ਦੇਸ਼ ਭਰ ਵਿੱਚ ਕਿਸਾਨਾਂ ਵਲੋਂ ਵੱਖ ਵੱਖ ਥਾਵਾਂ ਉਤੇ ਕੀਤੇ ਜਾ ਰਹੇ ਵਿਰੋਧ ਪ੍ਰਦਰਸ਼ਨ, ਸਰਕਾਰ ਅਤੇ ਸਮਾਚਾਰ ਚੈਨਲਾਂ ਦੇ ਇਸ ਪ੍ਰਚਾਰ ਨੂੰ ਝੂਠਾ ਸਾਬਤ ਕਰ ਰਹੇ ਹਨ। ਹਾਲ ਹੀ ਵਿਚ, ਕਿਸਾਨਾਂ ਦੇ ਸੰਘਰਸ਼ ਤੇਜ਼ ਹੋ ਗਏ ਕਿਉਂਕਿ ਖੇਤੀ ਦਾ ਸੰਕਟ ਹੋਰ ਵੀ ਗੰਭੀਰ ਹੋ ਗਿਆ ਹੈ।

ਭਾਰਤ ਅਰਥ ਮੂਵਰਸ ਲਿਮਟਿਡ (ਬੀ.ਈ.ਐਮ.ਐਲ.) ਦੇ ਹਜ਼ਾਰਾਂ ਮਜ਼ਦੂਰ, ਜਨਵਰੀ 2021 ਦੇ ਸ਼ੁਰੂ ਤੋਂ ਹੀ, ਕੇਂਦਰ ਸਰਕਾਰ ਦੀ ਸਰਵਜਨਕ ਖੇਤਰ ਦੇ ਮਹੱਤਵਪੂਰਣ ਰਣਨੀਤਕ ਉਪਕ੍ਰਮਾਂ ਦੇ ਨਿੱਜੀਕਰਣ ਦੀ ਨੀਤੀ ਦੇ ਖ਼ਿਲਾਫ਼, ਅਣਮਿੱਥੇ ਸਮੇਂ ਲਈ ਭੁੱਖ ਹੜਤਾਲ਼ ‘ਤੇ ਬੈਠੇ ਹਨ।

5 ਫ਼ਰਵਰੀ ਨੂੰ, ਵਿਸ਼ਾਖਾਪੱਟਨਮ ਸਟੀਲ ਪਲਾਂਟ ਦੇ ਹਜ਼ਾਰਾਂ ਹੀ ਕਰਮਚਾਰੀ ਵਿਸ਼ਾਖਾਪੱਟਨਮ ਵਿੱਚ ਗ੍ਰੇਟਰ ਵਿਸ਼ਾਖਾਪੱਟਨਮ ਨਗਰ ਨਿਗ਼ਮ ਦਫ਼ਤਰ ਦੇ ਸਾਹਮਣੇ ਇਕੱਠੇ ਹੋਏ ਅਤੇ ਸਟੀਲ ਪਲਾਂਟ ਦੇ ਕਾਰਪੋਰੇਟ ਮਾਲਕ, ਰਾਸ਼ਟਰੀ ਇਸਪਾਤ ਨਿਗ਼ਮ ਲਿਮਟਡ (ਆਰ.ਆਈ.ਐਨ.ਐਲ.), ਦੇ ਸ਼ੇਅਰ ਵੇਚਣ ਦੇ ਪ੍ਰਸਤਾਵ ਦੇ ਖ਼ਿਲਾਫ਼ ਇੱਕ ਵਿਰੋਧ ਰੈਲੀ ਕੱਢੀ। ਆਰ.ਆਈ.ਐਨ.ਐਲ. ਵਿੱਚ ਸਰਕਾਰ ਦੀ ਹਿੱਸੇਦਾਰੀ ਵੇਚ ਦੇਣ ਦੇ ਸਰਕਾਰ ਦੇ ਯਤਨਾਂ ਦੇ ਖ਼ਿਲਾਫ਼, ਪਲਾਂਟ ਦੇ ਵਿਹੜੇ ਵਿੱਚ ਹੀ 1,000 ਤੋਂ ਜ਼ਿਆਦਾ ਮਜ਼ਦੂਰਾਂ ਨੇ ਪਹਿਲਾਂ 3 ਫ਼ਰਵਰੀ ਨੂੰ ਅਤੇ ਉਸਤੋਂ ਬਾਦ 5 ਫ਼ਰਵਰੀ ਨੂੰ ਵਿਰੋਧ ਪ੍ਰਦਰਸ਼ਨ ਕੀਤਾ।

ਯੂ ਪੀ ਅਤੇ ਹਰਿਆਣੇ ਨਾਲ ਲੱਗਦੀਆਂ ਦਿੱਲੀ ਦੀਆਂ ਹੱਦਾਂ ਉੱਤੇ ਸਿੰਘੂ, ਟਿਕਰੀ, ਗ਼ਾਜ਼ੀਪੁਰ, ਚਿੱਲਾ, ਬਹਾਦਰਗੜ੍ਹ, ਆਦਿ ਥਾਵਾਂ ‘ਤੇ ਚੱਲ ਰਹੇ ਕਿਸਾਨ ਅੰਦੋਲਨ ਨੇ 18 ਜਨਵਰੀ ਨੂੰ “ਮਹਿਲਾ ਕਿਸਾਨ ਦਿਵਸ” ਦੇ ਤੌਰ ‘ਤੇ ਮਨਾਇਆ। ਇਸ ਦਿਨ ਉੱਤੇ, ਅੰਦੋਲਨ ਵਿੱਚ ਔਰਤਾਂ ਦੀ ਬੇਮਿਸਾਲ ਭੂਮਿਕਾ ਅਤੇ ਇਸ ਲਹਿਰ ਦੇ ਹਰ ਪਹਿਲੂ ਵਿੱਚ ਉਨ੍ਹਾਂ ਵਲੋਂ ਪਾਏ ਗਏ ਯੋਗਦਾਨ ਨੂੰ ਵਿਸ਼ੇਸ਼ ਮਾਨਤਾ ਦਿੱਤੀ ਗਈ।

ਕਰਨਾਟਕ ਰਾਜ ਸੜਕ ਪਰਿਵਾਹਨ ਨਿਗਮ ਕਰਮਚਾਰੀ ਸੰਘ ਦੇ ਝੰਡੇ ਹੇਠਾਂ, ਕਰਨਾਟਕ ਰਾਜ ਦੇ ਪਰਿਵਾਹਨ ਮਜ਼ਦੁਰਾਂ ਨੇ 27 ਜਨਵਰੀ ਨੂੰ ਰਾਜ ਦੀਆਂ ਵੱਖੋ-ਵੱਖ ਥਾਵਾਂ ‘ਤੇ ਬੱਸ ਸਟੈਂਡਾਂ ਉੱਤੇ ਵਿਰੋਧ ਪ੍ਰਦਰਸ਼ਣ ਕੀਤੇ ਅਤੇ ਸਰਕਾਰ ਤੋਂ ਮੰਗ ਕੀਤੀ ਕਿ ਉਨ੍ਹਾਂ ਦੀਆਂ ਪੈਂਡਿੰਗ ਮੰਗਾਂ ਫੌਰਨ ਪੂਰੀਆਂ ਕੀਤੀਆਂ ਜਾਣ। ਰਾਜ ਸੜਕ ਪਰਿਵਾਹਨ ਨਿਗ਼ਮ ਦੇ 1.36 ਲੱਖ ਕਰਮਚਾਰੀ ਹਨ, ਜੋ ਲੱਗਭਗ 30,000 ਬੱਸਾਂ ਚਲਾਉਂਦੇ ਹਨ। ਇਸ ਵਿੱਚ ਬਹੁਤ ਬੜੀ ਗਿਣਤੀ ਵਿੱਚ ਔਰਤਾਂ ਦੀ ਹੈ, ਜੋ ਨਾ ਸਿਰਫ਼ ਬੱਸਾਂ ਨੂੰ ਚਲਾਉਣ ਦਾ ਕੰਮ ਕਰਦੀਆਂ ਹਨ, ਬਲਕਿ ਤਕਨੀਕੀ ਸੇਵਾਵਾਂ ਅਤੇ ਤਰ੍ਹਾਂ ਤਰ੍ਹਾਂ ਦੀਆਂ ਹੋਰ ਸੇਵਾਵਾਂ ਵੀ ਪ੍ਰਦਾਨ ਕਰਦੀਆਂ ਹਨ।